Արաբ գեղեցկուհիների գաղտնիքները. բաղադրատոմսեր. 1in.am

Արաբ գեղեցկուհիների գաղտնիքները՝ դիմակներ, սկրաբներ և բնական միջոցներից կոմպրեսներ, հասանելի են գրեթե բոլորին: Հրաշագործ միջոցների բաղադրատոմսերը ստուգված են ժամանակով, իսկ դրանց արդյունքը գնահատել են միլիոնավոր տղամարդիկ, գրում է lady.ru-ն:

Դեմքի մաշկի գեղեցկության արաբական բաղադրատոմսեր

Դիմակ կավից ու քրքումից. 2 ճաշի գդալ կավի վրա ավելացնել 1/4 թեյի գդալ քրքում: Խառնել կավն ու քրքումը, ավելացնել 1 ճ. գդալ ջուր ու մի քանի կաթիլ լավանդայի յուղ: Պետք է ստացվի թթվասերի խտության խառնուրդ: Դիմակը հարկավոր է դեմքին պահել 20 րոպեից ոչ ավելի, հետո լվացվել նախ տաք, ապա՝ սառը ջրով:

Ծիրանակաթնային դիմակ. ճզմել երկու ծիրան, ստացված խյուսի վրա ավելացնել 2 ճ.գ. կաթ: Դեմքի վրա պահել 20 րոպե: Լվացվել տաք ջրով: Դիմակը նախատեսված է նորմալ մաշկի համար:

Արմավ և կաթնաշոռ. 1 ճ.գ. կաթնաշոռի վրա ավելացնել 1 ճ.գ. յուղոտ կեֆիր, խառնել ու ավելացնել փափուկ արմավ: Ավելացնել այնքան արմավ, որ ստացվի խիտ խառնուրդ: Դեմքին պահել 20 րոպե: Նախատեսված է հատկապես զգայուն մաշկի համար:

Մաշկը մաքրելու համար. 1 ճ.գ. քրքումին ավելացնել 1 թ. գ մեղր: Դեմքի վրա թողնել մոտ 15 րոպե:

Դիմակ մանդարինով. մանրացնել մանդարինի կեղևն ու դրան միախառնել 1 թ.գ. յուղոտ թթվասեր և 1 դեղնուց: Դեմքին պահել 15-20 րոպե:

Դիմակները քսել դեմքին թեթև շարժումներով, խուսափել աչքերի շուրջը քսելուց:

Գեղեցիկ մարմին ունենալու արաբական գաղտնիքներ

Բրնձի-սուրճի սկրաբ. սուրճն ու բրինձը աղալ հավասար քանակությամբ՝ 1/2-ական բաժակ: Ստացված խառնուրդի վրա կեֆիր ավելացնել: Նման սկրաբով հնարավոր է մաքրել դեմքը:

Ձիթայուղ. ըստ արաբ կանանց կանոնների, ձիթայուղը հարկավոր է քսել մարմնին՝ մերսելով հատկապես չոր ու կոշտացած հատվածները: Թողնել ներծծվի մաշկի մեջ 10-15 րոպե, որից հետո լոգանք ընդունել:

Վարդերով լոգանք. 500 գրամ ձիթայուղը լցնել վարդի 400 թերթիկների վրա և փակել տարայի կափարիչը: Մինչև օգտագործելը խառնուրդը թրմել 1 շաբաթ: Պատրաստի թուրմը քամել ու լոգանքի ջրի մեջ ավելացնել 3 ճ.գ.:

Մաշկի մաքրման ու ցելյուլիտի դեմ պայքարի համար վերցնել աղացած սուրճ կամ սուրճի մրուրը, ավելացնել ծովային աղ, դարչին, քրքում և 1 ճ.գ. ձիթայուղ:

Մազերի խնամքի արաբական գաղտնիքը

Յուղոտ փայլի դեմ. 1 ճ.գ մանանեխը լուծել 2 լիտր ջրում և դրանով ցայել մազերը՝ լվանալուց հետո:

Մազերի փայլը վերադարձնելու համար 1/2 բաժակ ձիթայուղի վրա ավելացնել 2 ճ.գ կիտրոնի հյութ, 1 բաժակ հեղուկ մեղր: Խառնել, թողնել թրմվի: Դիմակը քսել չլվացած մազերին, փաթաթել, թողնել մեկ-երկու ժամ, ապա լվանալ: Հարմար է չոր մազերի համար:

Հարցեր, պատասխաններ, մեկնաբանություններ